Chuaigh Aire Stáit ag an Roinn Talmhaíochta, Bia agus Mara le freagracht as Iascach, Timmy Dooley TD, le Bord Bia chun tacú le buíon 20 ball d’easpórtálaithe bia mara Éireannacha atá ag taispeáint a raon leathan táirgí i bPailliún Origin Green Bhord Bia ag Seafood Expo Global 2026 i mBarcelona ón 21 go dtí an 23 Aibreán.
Is é Seafood Expo Global (SEG) an aonach trádála bia mara is mó ar domhan, le breis is 2,100 taispeántóir ó níos mó ná 87 tír. Tacaíonn Bord Bia le rannpháirtíocht taispeántóirí Éireannacha trína chlár Origin Green a thugann tionscal bia na hÉireann le chéile faoin sprioc chomhchoiteann táirgeadh bia inbhuanaithe a bhaint amach.
Ag labhairt dó ag an óráid fáiltithe do thaispeántóirí Éireannacha, dúirt an tAire Dooley:
“Easpórtáladh táirgí bia agus dí Éireannacha chuig breis is 180 margadh in 2025, le luach iomlán na n-easpórtálacha os cionn €21 billiún. D’easpórtáil earnáil bia mara na hÉireann — fócas imeachta an lae inniu — breis is €672 milliún chuig níos mó ná 70 tír ar fud an domhain anuraidh. Gach bliain, easpórtálann ár dtionscal bia mara os cionn 200,000 tonna d’iasc mara Éireannach — ó éisc pheiligeacha agus éisc bhána go sliogéisc, bradán agus breac — chuig gach cearn den domhan, agus tá an t-éileamh ar bhia mara ardchaighdeáin, a bhfuil foinsiú freagrach déanta air, ó Éirinn fós an-láidir
