Léireoidh Amharclann na Mainistreach aistriúchán nua Gaeilge ar thraigéide Ghréagach Aeschylus, Na Peirsigh / Persians leis an scríbhneoir agus an file cáiliúil Nuala Ní Dhomhnaill ar Stáitse na Péacóige. Spreagadh Amharclann na Mainistreach, tar éis machnamh a dhéanamh ar an mbunsraith a leag Lady Gregory 120 bliain ó shin, súil a chaitheamh níos faide siar ar bhunús na foirme ealaíne féin sa tSean-Ghréig.
Léiríodh é an chéad uair san Aithin sa bhliain 472 BC, agus insítear in Na Peirsigh / Persians scéal faoi bhua aisteach a bhí ag an nGréig, á insint ó pheirspictíocht an dreama a chaill, aisteach go leor. Dráma é ina leagtar amach an oiread sin a dhéanfaidh agus a rinne an amharclannaíocht agus a chaithfidh sí a dhéanamh agus spreagann sé sinn an domhan a fheiceáil ó pheirspictíocht eile, déanann sé an méid a bhfuil súil againn leis a threascairt agus léiríonn sé onóir ar dhaonnacht an namhad.
Deis an-chorraitheach a bheidh ann chun lán na súl a bhaint de leagan saibhir nua den dráma is sine san Eoraip a bhfuiltear eolach air atá á chur ar stáitse go fóill sa teanga labhartha is sine san Eoraip, an Ghaeilge, le fotheidil Bhéarla.
—
