Bronnadh aon ghradam déag ar thograí Gaeltachta éagsúla ag searmanas i nGaillimh aréir. I measc na mbuaiteoirí bhí tograí turasóireachta, tionscadail óige agus scéimeanna fuinnimh in-athnuaite.
D’éirigh leis an bhFód Dubh i Maigh Eo an chéad duais sa chatagóir turasóireachta a bhaint amach. Bronnadh an gradam ar Chomharchumann Forbartha Ionad Deirbhile as a gcuid oibre ar Áras Scéalta an Atlantaigh.
I nDún na nGall, bhain an Lárionad Acmhainní Nádúrtha i gCill Ulta Duais na hÓige lena dtogra ‘Preab san Úir’, agus i gConamara, bronnadh gradam an Togra Gaeltachta Glaise ar Chomharchumann Mhic Dara Teo. as a dtogra fuinnimh in-athnuaite.
D’fhógair Údarás na Gaeltachta go bhfuil na gradaim seo mar aitheantas ar an obair leanúnach atá ar bun ag eagraíochtaí pobail ar son fhorbairt na Gaeltachta.
